رمضان / روزہ

“رمضان سے متعلق اہم باتیں اور مراجع کے سوالات و جوابات “

‎روزے کو عربی میں صوم کہتے ہیں

‎لغت میں صوم کا مطلب کسی چیز سے رکنا یا بچنا

‎”روزہ کی تعریف”

رحمتوں کا نزول ہے روز و شب
کیا کیا تیری ذات کی عطائیں ہیں
(سائرہ)

اسلام کے واجبات اور انسان کی خود سازی کے سالانہ پروگرام میں سے ایک، روزہ ہے، اذان صبح سے مغرب تک حکم خدا کو بجالانے کے لئے کچھ کام انجام دینے
(جس کی وضاحت بعد میں آئے گی)
سے پرہیز کرنے کو روزہ کہتے ہیں، اصطلاح میں اس سے مراد کھانے پینے اور کچھ اور چیزوں سے بچنا
‎ہے
‎احکام روزہ سے آگاہ ہونے کے لئے پہلے اس کی اقسام کو جاننا ضروری ہے۔

‎روزے کی اقسام۔
‎”واجب روزے”
‎مثلا ماہ رمضان المبارک، قضا روزے،کفارے کے روزے ،ماں باپ کے قضا روزے بڑے بیٹے پر، نذر وغیرہ کی وجہ سے واجب ہونے والے روزے، اعتکاف کرنے والے کے لیے تیسرے دن کا روزہ وغیرہ وغیرہ

‎”مستحب روزے”
حرام اور مکروہ روزہ کے علاوہ سال کے تمام ایام، میں روزہ رکھنا مستحب ہے،
البتہ بعض مستحب روزوں کی زیادہ تاکید اور سفارش کی گئی ہے۔
جن میں سے چند حسب ذیل ہیں:۔
ہر جمعرات اور جمعہ کو روزہ رکھنا۔
۔عید مبعث کے دن (۲۷؍ ماہ رجب) کو روزہ رکھنا۔
عید غدیر(۱۸؍ذی الحجہ) کو روزہ رکھنا۔۔
عید میلاد النبی (۱۷؍ ربیع الاول) کو روزہ رکھنا۔
۔عرفہ کے دن (۹؍ذی الحجہ) اس شرط پر کہ روزہ رکھنااس دن کی دعاؤں سے محرومیت کا سبب نہ بنے۔۔
پورے ماہ رجب اور ماہ شعبان میں روزہ رکھنا۔۔
ہرماہ کی ۱۳، ۱۴ اور ۵ ۱ تاریخ کو رورہ رکھنا۔

‎مکروہ روزے
‎مثلا عاشورہ کا روزہ

‎بعض حرام روزے
۔ عید فطر( اول شوال) کا روزہ ، عید قربان ( ۱۰؍ذی الحجہ) کا روزہ ۔ اولاد کا مستجی روزہ والدین کے لئے اذیت کا سبب بنے (احتیاط واجب کی بناپر)۔ اولاد کا مستجی روزہ رکھنا جب کہ اس کے والدین نے منع کیا ہو۔

بے زبانوں کو جب وہ زبان دیتا ہے
پڑھنے کو پھر وہ قرآن دیتا ہے
بخشش پہ آتا ہے جب امت کے گناہوں کو
تحفے میں گناہ گاروں کو رمضان دیتا ہے

‎اس کی وضاحت آگے ہو گی

(باقی آئندہ)

اللَّه تعالیٰ ہم سب کی توفیقات میں اضافہ فرمائے۔
دعا ہے کہ اللَّه تعالٰی اس مبارک ماہ اپنی رحمتوں کو زیادہ سے زیادہ سمیٹنے کی توفیق عطا فرمائے سب کو….

"آمین یا رب العالمین "

وَالسَّلَامُ عَلٰى مَنِ اتَّـبَعَ الْـهُدٰی
سورہ طہ "47”
التماسِ دعا
"روبی عابدی "

‎ان شاء اللَّه روزانہ کا ایک پوسٹ کریں گے عید الفطر تک اور ہماری پوری کوشش ہو گی کہ اہم اہم مسائل یہاں پوسٹ کریں جو ہم کو روزمرہ پیش آتے ہے یا جن کے بارے ہم میں سے بہت لوگوں کو پتہ نہیں ہے