” کیا مشکل ہے کیا آسان “

مومن بننا آسان تو نہیں مگر ناممکن بھی نہیں
ہاں مشکل ضرور ہے
کیونکہ قرآن ہماری راہ ہے اور نبی ص و آئمہ ع ہمارے رہبر۔
إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ
ۗ (سورہ الرعد آیت نمبر 11 کا حصہ)
اللّٰہ کسی قوم کے حالات کو اس وقت تک نہیں بدلتا جب تک وہ خود اپنے کو تبدیل نہ کرلے۔۔
اچھا ڈاکٹر، انجینئر، سائنسدان یاعالم بننے کے لیے
‎اچھے انسان بننا ضروری ہے ا ور اچھے انسان اس وقت بن سکتے ہیں جب اچھی باتیں سیکھی جائیں
تربیت اچھی ہو اپنا کردار بنائیں
کیونکہ دوسروں پر ہمارے نہ صرف الفاظ اثرا انداز ہوتے ہیں
بلکہ الفاظ سے زیادہ ہمارا طرز عمل دوسروں پر اثرات ڈالتا ہے۔
بیچ کا راستہ فقط مسلمان بننا ہے جو آسان ہے جس میں انسان آدمی بن کے رہ سکتا ہے۔
انسان پیدا انسان ہوتا ہے مگر بعد میں وہ فقط آدمی رہ جاتا ہے انسانیت ختم ہوجاتی ہے اسکو دوبارہ انسان بننے کے لئے تگ و دو اور ریاضت کرنا پڑتی ہے
جو ہم انسان کرنے کے لئے تیار نہیں ہوتے

بس کہ دشوار ہے ہر کام کا آساں ہونا
آدمی کو بھی میسر نہیں انساں ہونا
(مرزا غالب)

مگر ہر شخص بلندی چاہتا ہے تو کیوں نہ انسان بھی انسانیت کی بلندی کی طرف چلے اس بلندی کی طرف کا راستہ مومن بننا ہے منزل تو اور بھی آگے ہے جہاں متقی کہلائیں
جس مقام پہ پہنچ کے
بقول علامہ اقبال کے

خودی کو کر بلند اتنا کہ ہر تقدیر سے پہلے
خدا بندے سے خود پُوچھے، بتا تیری رضا کیا ہے

ماہرین کہتے ہیں کہ اگر ہم اپنا اہداف حاصل کرنا چاہتے ہیں تو بعض الفاظ کو اپنے روز مرہ کے استعمال سے بالکل نکال دیں۔ ان میں سے دو الفاظ کو اپنی لغت سے نکال دیں یا انہیں دوسرے الفاظ میں تبدیل کردیں۔
جیسے کہ
1- “لیکن” کو تبدیل کریں “اور “ سے۔
2- “چاہئے” کو “ہم چاہتے ہیں “ میں بدلیں۔

الفاظ میں تبدیلی ہماری کامیابی کا اہم عنصر ثابت ہوسکتی ہے۔
سوچیں ۔
غور کریں ۔
شاید پھر قدرت موقع نہ دے ۔
پروردگار ہم سب کی توفیقات میں اضافہ فرمائے
آمین یا رب العالمین

وَالسَّلَامُ عَلٰى مَنِ اتَّـبَعَ الْـهُدٰی
سورہ طہ "47”
التماسِ دعا
“روبی عابدی”