” تربیت “

ایک عالم نےاک شاگرد کا واقعہ سنایا جو اپنے استاد کی طرح کسی درسگاہ میں استاد بن گئے تھے، استاد بننے کے بعد جب وہ اپنے انہی استاد سے ملنے کے لیے گئے اور ان کو بتایا کہ آپکی وجہ سے آپکی طرح ہم بھی استاد بن گئے ہیں تو۔
استاد نے پوچھا
وہ کیسے؟
انہوں نے بتایاکہ:
اک دن ہم نے اپنے ہم جماعت کی گھڑی چرا لی تھی، آپ نے دروازے بند کرا کے تلاشی کا کہا تھا ہمیں لگا کہ آج ہم پھنس گئے،
تب آپ نے فرمایاکہ سب آنکھیں بند کر لیں،
آپ نے سب بچوں کی تلاشی لی انکی آنکھیں بند تھیں،
آپ نے گھڑی ہماری جیب سے نکالی، اور ہم سے بعد والوں کی بھی تلاشی لی
تب ہم نے عزتِ نفس اور زندگی کا سبق سیکھا تھا۔۔۔۔
استاد کی آنکھوں میں اجنبیت دیکھ کر شاگرد نے پوچھا،
استاد محترم آپ ہمیں کیسے بھول گئے؟
استاد نے جواب دیا
کیونکہ ہم نے اپنی آنکھیں بھی بند کی ہوئی تھیں.

تجزیہ:
اپنے شاگردوں کی عزت نفس کا خیال کیجئے تاکہ وہ ہمیں بعد میں بھی یاد رکھیں۔❤

جن کے کردار سے آتی ہو صداقت کی مہک
ان کی تدریس سے پتھر بھی پگھل سکتے ہیں

وَالسَّلَامُ عَلٰى مَنِ اتَّـبَعَ الْـهُدٰى
(سورہ طہ-47)
التماسِ دعا
"روبی عابدی”