خلوص و محبت

جذبات اور احساسات کیا ہوتے ہیں؟

کسی کو نہیں پتا ہوتا
صرف وہی جانتا ہے جو اس کیفیت سے گُزرتا ہے۔

ہم سب اپنی اپنی زندگی کی الجھنوں سے تو واقف ہوتے ہیں لیکن کسی دوسرے کے دُکھ درد کو سرسری دیکھ کر اپنی نگاہیں جھُکا کر چلتا بننے میں ہی اپنی عافیت جانتے ہیں
ہمیں شاید اس کا احساس اس وقت ہوتا ہے
جب کرب کی یہی حالت خود پر آتی ہے۔
اپنے زخموں کو دیکھ کر اپنی تکلیف کا احساس ہونا
کچھ عجب نہیں بلکہ عجیب کسی کو تکلیف میں دیکھ کراپنی انسانیت والی آنکھ بند کرنا ہوتا ہے۔
ہم اپنے ہاتھوں سے انسانیت کی توہین کے مرتکب ہوتے ہیں اور پھر دوسروں کو نصیحت کرنے کے لئے موضوع
“انسانیت”
ہی منتخب کرتے ہیں۔

کیا یہ ہوتی ہے انسانیت؟
ہر گز نہیں
بلکہ یہ انسانیت کی تذلیل کا وہ جُرم ہے
جسے ہم عبادت سمجھ کر کرتے ہیں
اور جب ہمیں احساس ہوتا ہے
تب تک انسانیت مر کر امر ہو چکی ہوتی ہے

اور ہم!
نئے عزم کے ساتھ انسانوں کو پھر سے بے وقوف بنانے کے لئے آنسو بہانے نکل پڑتے ہیں۔
اور اگر کبھی غلطی سے کسی کے احساس کو اپنا سمجھنے لگیں
تو ایکٹینگ کا لیبل لگتا ہے،

کھیلنا سیکھ لیا درد سے اب تو ہم نے
درد ہوتا ہے تو خود ہنس کے گزر جاتا ہے!
"روبی "

کیونکہ یہی دنیا ہے کسی کے خلوص کو کبھی خلوص نہیں سمجھتی، اسکو ہمیشہ شک اور دهوکہ یا مطلبی سمجھا جاتا ہے .

مگر کیوں؟
کہاں سے ملے گا اسکا جواب؟
کون دے گےاسکا جواب؟
خلوص اور محبت کیسے خالص نظر آئے؟

وفا خلوص و محبت ضرور ہوں گے کہیں
کبھی ملیں تو تبرک سمجھ کے رکھ لینا
“اتباف”

وَالسَّلَامُ عَلٰى مَنِ اتَّـبَعَ الْـهُدٰی
سورہ طہ "47”
التماسِ دعا
“روبی عابدی”